8. Dezember:

Julklapp 

Wer is dat, dei dor luthals röppt,
wer is dat, dei mien Däl lang löppt - ? Julklapp!
Dor rummst wat dal, wer keem in ’t Hus?
Dat is nich Katt, un is nich Mus. Julklapp!
Nu slurrt un rumpert an de Dör
un steiht gor still un steiht dorvör. Julkapp!
Hurr’ – flüggt vörbie un wie dat sust,
un eener röppt ut alle Pust: Julklapp!
Een Schachtel is’t, rund wie en Tüt
müt Bänner, wat woll dit bidüt’t - ? Julklapp!
Ick pack dat ut, ick kiek dat an,
hier steiht: „Dit schickt dei Wihnachtsmann!“ – Julklapp!
In ’n Dannengräun liggt dor verquanz –
vör mie – een lütten Hiringsswanz…! Julklapp!